როგორ ეხმაურება სოფო ბიბილაშვილი შვილის "ფეისბუქ" გვერდზე ოსური დიალექტით გამოქვეყნებული პოსტს?
12 წლის წინ დაკარგული გურამ დადიანიძის დედა შვილის "ფეისბუქზე" ოსურ დიალექტზე გამოქვყენბუელი პოსტს ეხმაურება.
"გური, "მოვიდა დრო" - ეს რას ნიშნავს შვილო?" - წერს სოფო ბიბილაშვილი.
ცნობისთვის, "ფეისბუქზე" გურამ დადიანიძის პირად გვერდზე ოსურ დიალექტზე პოსტი გამოქვეყნდა. Арцыд растаг - ვკითხულობთ პოსტში, რაც ქართულად ნიშნავს - "დრო მოვიდა".
ჯერჯერობით შესაბამის საგამოძიებო უწყებებს ამ თემაზე კომენტარი არ გაუკეთებიათ და უცნობია, ვინ დაწერა პოსტი.
ცნობისთვის, 17 წლის გურამ დადიანიძე 2014 წელს გაუჩინარდა. ის, დუშეთის რაიონის სოფელ ქვემო მლეთაში, ლომისობის დღესასწაულზე ექსკურსიაზე იმყოფებოდა. საქმე დღემდე გაუხსნელია, ვინაიდან გურამ დადიანიძის კვალს ვერ მიაგნეს. გაუჩინარებული ბიჭის დედა, სოფო ბიბილაშვილი შვილის პოვნაში დახმარებას დღემდე ითხოვს. გურამ დადიანიძის გაუჩინარების საქმეში ადვოკატი ტარიელ კაკაბაძე ჩაერთო. იმ ადგილას და მიმდებარედ, სადაც მოწმეთა ჩვენებების მიხედვით საგამოძიებო მოქმედებები და ძებნის სამუშაოები თავიდან ჩატარდა, გამოიყენეს სპეციალური ტექნიკა, სკანერი, თუმცა დაკარგული ბიჭის კვალს ვერ მიაგნეს.
ასევე იხილეთ: "მეორე შოკისმომგვრელი ინფორმაციით გიბრუნდებით" - კობა ახალაძის ახალი ვიდეომიმართვა