"მის საქართველო 2012" თამთა შედანია გახდა - პალიტრა ვიდეო

26 სექტემბერს ახალციხეში, განახლებული რაბათის კომპლექსის ტერიტორიაზე, "მის საქართველო 2012"-ის ფინალური შოუ გაიმართა. "მის საქართველო 2012"-ის გამარჯვებული თამთა შედანია გახდა.

ჟიურის შემადგენლობაში შედიოდნენ - "იმიჯ-ცენტრის" პრეზიდენტი ია კიწმარიშვილი, ტელეკომპანია "იმედის" გენერალური დირექტორის მოადგილე თამარა მაჭავარიანი, საფეხბურთო კლუბ "დინამო თბილისის" წარმომადგენელი გვანცა ასპანიძე, რეჟისორი დავით იმედაშვილი, "კიკალა-სტუდიოს" დამფუძნებელი მამუკა კიკალიშვილი, რეჟისორი ლაშა ონიანი, სამცხე-ჯავახეთის გუბერნიის წარმომადგენელი გიორგი მიქელაძე, ტანვარჯიშის ფედერაციის გენერალური მდივანი ფიქრია ფანქველაშვილი და "მის საქართველო 2011" ჯანეტ ქერდიყოშვილი.

"მის საქართველო 2012"-ს კომპანია "ტოიოტა ცენტრი თბილისი" ახალ ავტომობილ Toyota RAV4-ს გადასცემს. თამთა შედანია სილამაზის საერთაშორისო კონკურსზე - "მის სამყარო 2012"-ზე გაემგზავრება.

საინფორმაციო პორტალი ამბები.გე