მურმან დუმბაძე საქართველოს პარლამენტის ვიცე-სპიკერი იქნება - პალიტრა ვიდეო

აჭარის ავტონომიური რესპუბლიკის მთავრობის ფორმირებასთან დაკავშირებით დღეს კონსულტაციები ბიძინა ივანიშვილთან გაიმართა. აჭარის უმაღლესი საბჭოს დეპუტატობის კანდიდატებმა ივანიშვილს მთავრობის თავმჯდომარედ მურმან დუმბაძის კანდიდატურა შესთავაზეს, თუმცა, როგორც შეხვედრის დასრულების შემდეგ გახდა ცნობილი, დუმბაძე თბილისში რჩება და იგი საქართველოს პარლამენტის ვიცე-სპიკერი იქნება.

აჭარის მთავრობასთან დაკავშირებით კი კონსულტაციები ისევ გაგრძელდება, რადგან მთავრობის თავმჯდომარესა და მინისტრებზე ჯერჯერობით არაფერია გადაწყვეტილი.