ხელოვნების "მსხვერპლი" პოლიტიკა და ჰალსტუხებით "ჩამომხრჩვალი" ჩინოვნიკები - პალიტრა ვიდეო

პოლიტიკოსები, სისტემის მსხვერპლი ადამიანები, სოციალური პრობლემები - დათო კუხალაშვილი დაახლოებით 4 წელია, საკუთარ ფიქრებს თავის ნახატებში გადმოსცემს. ყველაფერს, რაც ქვეყანაში ხდება, თვალყურს აქტიურად ადევნებს. ამბობს, რომ მის ნამუშევრებში ყოველდღიური ცხოვრებაა ასახული.

უსამართლობა, სიცრუე და ფასადური პოლიტიკა - ეს ის პრობლემებია, რასაც წლების განმავლობაში დათო კუხალაშვილი თავისი ნახატებით აპროტესტებს.

ყველაზე "მკაცრად" ნამუშევრებში მაინც პოლიტიკოსებს მოექცა - ადამიანებს, რომლებიც, მისი აზრით, საკუთარ სამყაროში არიან ჩაკეტილნი და მოსახლეობაზე არ ფიქრობენ.