მთავრობის მხრიდან ყველა ხარჯი ანაზღაურდება - კახი კალაძე
ენერგეტიკის მინისტრი, ვიცე-პრემიერი კახი კალაძე აჭარაში სტიქიის შედეგებს ეცნობა. კალაძემ შეხვედრა გამართა აჭარის მთავრობის თავმჯდომარე არჩილ ხაბაძესთან. ამის შემდეგ ის ქობულეთში გაემგზავრა. აჭარის მთავრობის სახლთან კალაძემ ჟურნალისტებისთვის კომენტარიც გააკეთა და აღნიშნა, რომ ზარალის რაოდენობა საკმაოდ დიდია, თუმცა, პრემიერის დავალებით შეიქმნა კომისია, რომელიც ამ ზარალს შეისწავლის და აანაზღაურებს.