რელიგიური კუთხით ID ბარათებთან დაკავშირებით პრობლემა არ არის - დეკანოზი ლევან მათეშვილი - პალიტრა ვიდეო

შტრიხკოდების ისტერია პროტესტანტული გარემოდან მოდის, - განაცხადა დეკანოზმა ლევან მათეშვილმა საზოგადოებრივი მაუწყებლის გადაცემაში "დიალოგი დავით პაიჭაძესთან", სადაც საუბრის თემა ID ბარათები და მის ირგვლივ ატეხილი აჟიოტაჟი იყო. მამა ლევანმა განმარტა, რომ თეოლოგიური, ესკატოლოგიური, რელიგიური კუთხით პლასტიკური ბარათების შემოღება შესაძლებელია, თუმცა, მამა ლევანის აზრით, აქ ადამიანთა უფლებების დაცვასთან მივდივართ: ნებისმიერ ადამიანს უფლება აქვს, არ უნდოდეს ამგვარი ბარათი, რაც სახელმწიფოს დასარეგულირებელი საკითხია.

წამყვანის კითხვაზე, თუ როგორი პასპორტით სარგებლობს თავად, დეკანოზმა ლევან მათეშვილმა უპასუხა, რომ მას აქვს ორივე: ჩვეულებრივი და ბიომეტრიული პასპორტი.