"მისტიკური" კონკურსანტის სახიფათო ნომერმა ჟიური და დარბაზი ააკანკალა
ბრიტანული "ნიჭიერის" შესარჩევ ტურებზე "მისტიკური" კონკურსანტი, 44 წლის აარონ კროუვი წარსდგა დარბაზის წინაშე. მან არ ისურვა ჟიურისთან გასაუბრება, მისმა წარმომადგენელმა კი აარონის "დამუნჯება" ასე განუმარტა ჟიურის წევრებს: "მისი ნომერი ძალიან სახიფათოა და იმისთვის, რომ სრული კონცენტრაცია მოახდინოს შოუზე, აარონს საუბარი არ სურს". კროუვიმ დარბაზიდან ორი ადამიანი აიყვანა, ექსპერიმენტის მესამე მონაწილედ კი შოუს ერთ-ერთი წამყვანი აირჩია. ამის შემდეგ კონკურსანტმა თვალები აიხვია და სუნთქვისშემკვრელი წარმოდგენა დადგა. ჟიურიმ ერთხმად გადაიყვანა "ჯადოქარი" მომდევნო ტურში.