მსოფლიოს ყველაზე დიდი შენობა ჩინეთში, რომელსაც საკუთარი "მზე" აქვს - პალიტრა ვიდეო

ჩინეთში, სიჩუანის პროვინციის ქალაქ ჩენდუში, მსოფლიოში ყველაზე დიდი შენობა ააგეს. New Century Global Center-ს, რაც ქართულად "ახალი საუკუნის გლობალურ ცენტრს" ნიშნავს, შეიძლება ეწოდოს 22-ე საუკუნის შენობა. ყველაზე მასშტაბური ნაგებობა სიდნეის ოპერის თეატრის ზომის 20 შენობას ან კიდევ 5 პენტაგონს დაიტევს.

შენობის საერთო ფართობი 1,7 მლნ კვ.მ-ს შეადგენს. New Century Global Center სავაჭრო ცენტრებს, ხმელთაშუა ზღვის სტილის ვილებს, აკვაპარკს, ყინულის მოედანს და რამდენიმე სასტუმროს აერთიანებს. მხოლოდ სავაჭრო ფართს კომპლექსის 400 ათასი კვ.მ. უკავია.

უმსხვილეს დახურულ კომპლექსს საკუთარი "მზე" - ხელოვნური განათების მასშტაბური სისტემა აქვს.

საინფორმაციო პორტალი ამბები.გე