ყოფილი სკოლის შენობიდან სოციალურად დაუცველი ოჯახების გამოსახლება დაიწყო
თბილისში, ყოფილი რუსული სკოლის შენობიდან სოციალურად დაუცველი ოჯახების გამოსახლება დაიწყო. ყოფილი 142-ე სკოლის შენობაში 53 ოჯახი ცხოვრობდა. მათგან 15 ოჯახი იძულებით გადაადგილებული იყო, რომლებსაც ხელისუფლებამ ბინები უქირავა და ცოტა ხნის წინ მათ სკოლის შენობა დატოვეს. დღეს შვიდ ოჯახს კოჯორში გადაიყვანენ, რისთვისაც ისინი ჯანდაცვის სამინისტროს სოციალური მომსახურების დეპარტამენტის ხელმძღვანელ გიორგი კაკაჩიას მადლობას უხდიან. თუმცა, სოციალურლად დაუცველი ოჯახების უმრავლესობა უკმაყოფილოა და კაკაჩიას გულგრილობაში ადანაშაულებს.