"დუქნის ლომები" და ბოთლები ქართულ პოლიტიკაში - პალიტრა ვიდეო

დღეს საზოგადოება პარლამენტარების კიდევ ერთი დაპირისპირების თვითმხილველი გახდა. ქუთაისის პარლამენტში საარჩევნო კოდექსის განხილვის დროს ოპონენტებს შორის კამათი სიტყვიერ შეურაცხყოფაში გადაიზარდა - აკაკი ბობოხიძემ გია ცაგარეიშვილს "დუქნის ლომი" უწოდა. რეაქციამაც არ დააყოვნა: უმრავლესობის წარმომადგენელმა ოპოზიციონერ კოლეგას "ბორჯომის" ბოთლი ესროლა, თუმცა "გზავნილმა" ადრესატამდე ვერ მიაღწია.

ბოთლი და "ბორჯომი" ქართულ პოლიტიკაში აქტუალური ჯერ კიდევ 90-იან წლებში იყო. ალბათ, ბევრს გახსოვთ ერთ-ერთი პირველი ჩხუბი ე.წ. იმელის შენობაში არსებულ პარლამენტში. პიონერები მუშტი-კრივში ვახტანგ რჩეულიშვილი და ნოდარ ნათაძე იყვნენ. მაშინდელი პარლამენტის ვიცე-სპიკერმა ვახტანგ რჩეულიშვილმა ნოდარ ნათაძეს "ბორჯომი" შეასხა, გამწარებულმა ნათაძემ კი ვიცე-სპიკერს ტელეფონი ესროლა.

იხილეთ: "შე დუქნის ლომო" - ცაგარეიშვილმა ბობოხიძეს ბოთლი ესროლა


იხილეთ პარლამენტარების ცნობილი ჩხუბები:

აკაკი ბობოხიძემ პეტრე მამრაძეს დაარტყა

"ბარამიძე, ნუ ბლატაობ, შე ჩმორო" - ფიზიკური დაპირისპირება პარლამენტში

ფიზიკური დაპირისპირება კობა დავითაშვილსა და სერგო რატიანს შორის პირდაპირ ეთერში

ჩხუბი პარლამენტში - ბაღათურია-სულეიმანოვის დაპირისპირებაში ბობოხიძე და თარგამაძე ჩაერივნენ