ხარკოვში მაიდანელები ლენინის ძეგლთან დააჩოქეს
1-ელ მარტს ხარკოვში თავისუფლების მოედანზე შეკრებილმა მომიტინგეებმა, რუსეთის დროშებით ხელში, შტურმით აიღეს საოლქო ადმინისტრაციის შენობა, სადაც მაიდანის აქტივისტები მორიგეობდნენ. მათ ძალი გამოყენებით გამოიყვანეს მაიდანელი აქტივისტები, მოედანზე გაიყვანეს და ლენინის ძეგლთან დააჩოქეს. გააფთრებული პრორუსულად განწყობილი მოქალაქეები დაჩოქილებისგან ბოდიშის მოხდას მოითხოვდნენ. მომიტინგეები დაჩოქილ მაიდანელებს სიტყვიერ და ფიზიკურ შეურაცხყოფას აყენებდნენ.