უცნობი, კრისტი ყიფშიძე და გიორგი ნაზღაიძე ეროსი კიწმარიშვილის პანაშვიდზე - პალიტრა ვიდეო

ყიფშიძის ქუჩაზე, ეროსი კიწმარიშვილის საცხოვრებელ სახლთან დილიდან იკრიბებოდნენ მისი ახლობლები, მეგობრები, საზოგადოებისთვის ცნობილი სახეები, რომლებიც კიწმარიშვილების ოჯახში მისასამძიმრებლად იმყოფებოდნენ.

პანაშვიდზე იმყოფებოდა "ქრისტიან-დემოკრატიული მოძრაობის" ყოფილი ლიდერი გიორგი თარგამაძე, გია გაჩეჩილაძე (უცნობი), მოდელი კრისტი ყიფშიძე, რომელიც ყიფშიძის ქუჩაზე კიწმარიშვილის სახლთან გიორგი ნაზღაიძემ მიიყვანა.

ეროსი კიწმარიშვილის ცხედარს, ყიფშიძის ქუჩიდან, ტელეკომპანია "რუსთავი 2"-ის შენობაში კვირას 20 ივლისს, 10:00 საათზე გადაასვენებენ. 12:00 საათზე, ტელეკომპანიის შენობაში გაიმართება სამოქალაქო პანაშვიდი, 15:00 საათზე კი, ეროსი კიწმარიშვილს საბურთალოს პანთეონში დაკრძალავენ.

ეროსი კიწმარიშვილი 15 ივლისს საკუთარ ავტომობილში გარდაცვლილი იპოვეს.

ასევე იხილეთ: "ეროსის ცხოვრება ერთი დიდი დრამა იყო" - გიორგი თარგამაძე