კუდ-მა ქურდული ტრადიციების მატარებელი ჯგუფის წევრები დააკავა - პალიტრა ვიდეო

კონსტიტუციური უსაფრთხოების დეპარტამენტმა სპეცოპერაციის შედეგად, თბილისში მოქმედი ქურდული ტრადიციების მატარებელი ორგანიზებულ-დანაშაულებრივი ჯგუფის წევრები დააკავა.
კუდ-ის ინფორმაციით, დაკავებულნი არიან დიმიტრი და ბადრი ჯანელიძეები, რომლებიც მოქალაქე ირაკლი ჩხაიძეს დაშინებით, სიცოცხლის მოსპობის მუქარით და ქურდული გარჩევის გზით სისტემატიურად სძალავდნენ თანხას.
ისინი 10 000 ამერიკული დოლარის გამოძალვის ფაქტზე დააკავეს.
დანაშაული 11 წლამდე თავისუფლების აღკვეთას ითვალისწინებს. სისხლის სამართლის საქმეს კონსტიტუციური უსაფრთხოების დეპარტამენტი იძიებს.