ბათუმში აქციის მონაწილეები პოლიციამ პრემიერთან არ მიუშვა
გონიოს მოსახლეობის ნაწილი პრემიერ ირაკლი ღარიბაშვილთან შეხვედრას ცდილობდა. ისინი პრემიერისთვის 2010 წელს ჩამორთმეული მიწის ნაკვეთების შესახებ ინფორმაციის მიწოდებას ცდილობდნენ. თუმცა, პოლიციამ მათ სასტუმროს გახსნის ცერემონიაზე ახლოს მისვლის საშუალება არ მისცა. მათ შორის კამათი სიტყვიერ დაპირისპირებაში გადაიზარდა. მოგვიანებით აქციის მონაწილეებმა აჭარის მთავრობის სახლთან გადაინაცვლეს.