სოფელ გლდანში მომხდარი ავარიის შემზარავი კადრები: დაღუპულია ოთხი 20 წლამდე ახალგაზრდა - პალიტრა ვიდეო

სოფელ გლდანში წუხელ მომხდარ ავტოავარიას ოთხი ადამიანი ემსხვერპლა, სამი დაშავდა. გარდაცვლილები 20 წლამდე ასაკის ახალგაზრდები არიან. ავტომობილში, რომელიც ავარიის შემდეგ იმდენად დეფორმირებულია, რომ მისი მარკის ამოცნობაც კი გართულებულია, 7 მგზავრი იჯდა.

შინაგან საქმეთა სამინისტროს პრესსამსახურის ინფორმაციით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.

ავტორი: ირაკლი გედენიძე