apsny.ge-ის ინფორმაციით, ცხინვალში ქართულ მონასტერს ანადგურებენ
თირის მონასტერი, რომელიც XII-XIII საუკუნეებში არის აგებული და იუნესკოს სიაში შეტანილი ქართული ხუროთმოძღვრების ძეგლია, ცხინვალის რეგიონში ადგილობრივი მუშების მსხვერპლი გახდა. როგორც apsny.ge იუწყება, მომუშავეები მონასტერში კედლებს ლესავენ, რომლებზეც უნიკალური ფრესკებია გამოსახული. მუშების თქმით, "ცხინვალის ეკლესიების" დავალებით, ისინი რემონტს აკეთებენ, მაგრამ ალანიის ეპარქიის სასულიერო პირის, სიმონის თქმით, მასთან არანაირი შეტყობინება არ შესულა, რომ მონასტერში რაიმე სამუშაო უნდა ჩატარებულიყო.