"პარლამენტარების მშობლებმა იცხოვრონ პენსიაზე" - პროდუქტების გაზრდილი ფასი მყიდველების უკმაყოფილებას იწვევს
ყოველდღიური მოხმარების პროდუქტებზე ფასები თითქმის ყოველდღიურად იზრდება. ფასების ზრდას აპროტესტებს მოსახლეობა, მარკეტების და მაღაზიების მყიდველები ამბობენ, რომ ბოლო დროს მოიმატა შაქრის, ხილის, რძისა და სხვა პროდუქტების ფასმა. მოქალაქეები ფასების ზრდას დოლარის გაძვირებას და მთავრობის არასწორ გადაწყვეტილებებს უკავშირებენ. პროდუქტებზე ფასების ზრდასთან ერთად, პენსიონერები პენსიის მხოლოდ 10 ლარიან მატებასაც აპროტესტებენ.