"20 წლის დედამ სიცოცხლე დათმო ჩვენთვის, 20 წლის გამზრდელმა სიცოცხლე შემოგვწირა" - "სხვისი შვილების" თანამედროვე ისტორია
ეს ამბავი ქუთაისში წლების წინ მოხდა. 20 წლის ახალგაზრდა, მანანა კილაძე ტყუპების მშობიარობას გადაჰყვა. ქალმა, რომელიც შემდეგ ამ ოჯახის დიასახლისი გახდა, მთელი ცხოვრება ტყუპებს და მათ ძმას მიუძღნა. გაზარდა ისე, როგორც საკუთარი შვილები. ბოლო დაბადების დღე მისმა შვილმა "ფეისბუქზე" გამოქვეყნებული პოსტით მიულოცა, რომელსაც ემოციის გარეშე ნამდვილად ვერ წაიკითხავდით. მანუჩარ, ანზორ და ავთანდილ კაჭახიძეები მანანა შარაბიძეს "გმირ დედას" უწოდებენ. საკუთარი ისტორია მათ კიდევ ერთხელ "ნანუკას შოუში" გაიხსენეს.