დემურ სტურუას საქმეზე თუ სამართალდამცველთა მხრიდან გადაცდომის ფაქტი გამოიკვეთება, ჩვენ ხელს არავის დავაფარებთ - გიორგი მღებრიშვილი
იმ შემთხვევაში, თუ სამართალდამცველთა მხრიდან ნებისმიერი გადაცდომის ფაქტი გამოიკვეთება, ჩვენ ხელს არავის დავაფარებთ, - განაცხადა შს მინისტრმა გიორგი მღებრიშვილმა საგანგებო ბრიფინგზე. როგორც მინისტრმა განმარტა, კანონის წინაშე ყველა თანასწორია, თუმცა, იქვე აღნიშნა, რომ დაიცავს ყველა პატიოსან და კეთილსინდისიერ პოლიციელს. შს მინისტრმა მწუხარება გამოთქვა დემურ სტურუას გარდაცვალების გამო.