დღეს თბილისიდან და ბათუმიდან თურქეთის მიმართულებით ყველა რეისი გაუქმდა
უამინდობის გამო, თურქეთის მიმართულებით, თბილისის საერთაშორისო აეროპორტიდან ოთხი რეისი გაუქმდა. როგორც თბილისის საერთაშორისო აეროპორტში განაცხადეს, აღნიშნულის მიზეზი ათათურქის აეროპორტში შექმნილი ვითარებაა. მათივე განცხადებით, სხვა მიმართულებებით ფრენები ჩვეულ რეჟიმში სრულდება. ამასთან, ვერ სრულდება ავიარეისი ათათურქის აეროპორტიდან ბათუმის მიმართულებითაც. ბათუმის საერთაშორისო აეროპორტის ინფორმაციით, აღნიშნული რეისები სავარაუდოდ ხვალ, იმავე საათებში შესრულდება.