მოსკოვში ტაქსის მძღოლმა დედა და 2 წლის ბავშვი მანქანიდან გადმოყარა
სოციალურ ქსელებში გამოჩნდა ვიდეო, სადაც მოსკოვში მომხდარი ინციდენტია ასახული. ტაქსისტმა დედა 2 წლის ბავშვთან ერთად მანქანიდან მას შემდეგ გადმოყარა, რაც მცირეწლოვანმა ბავშვმა უკანა სავარძელი დასვარა. მამაკაცმა დედა ბავშვიანად ძალის გამოყენებით გადმოსვა ავტომობილიდან, რა დროსაც ბავშვი დაეცა და თავი დაარტყა. მას სამედიცინო ცარევა დასჭირდა. მოძალადე ტაქსისტზე აღძრულია სისხლის სამართლის საქმე და როგორც მედია იუწყება, ის გაუსვლელობის ხელწერილითაა გათავისუფლებული.