სროლა ფილიპინებში - ტურისტულ კომპლექსზე თავდასხმას 40-მდე ადამიანი ემსხვერპლა, 54 კი დაშავდა - პალიტრა ვიდეო

ფილიპინების დედაქალაქში მომხდარ თავდასხმას 40-მდე ადამიანი ემსხვერპლა. ამის შესახებ “როიტერი” იუწყება. მანილას ერთ-ერთ სასტუმრო კომპლექსში ნიღბიანი მამაკაცი შეიჭრა და ცეცხლი გახსნა, შემდეგ კი ხანძარი გააჩინა. ადგილზე მობილიზებული იყო პოლიციისა და სასწრაფო დახმარების ჯგუფები.

სამართალდამცველების ინფორმაციით, დაღუპულთა უმეტესობა კვამლისგან გაიგუდა. დაშავებულების რაოდენობის შესახებ ინფორმაცია არ ვრცელდება.

როგორც ცნობილი გახდა, თავდამსხმელმა თავი მოიკლა. მომხდარზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.