მათთვის, ვისთვისაც ტოლკინის სამყარო მშობლიურია - პალიტრა ვიდეო

თქვი „პორტალი“ და შემოდი! კითხვა მოგზაურობაა, წიგნი კი პორტალია, რომელსაც სხვა სამყაროში გადავყავართ. სწორედ „პორტალი“ იყო ის საიდუმლო სიტყვა, რომელიც "ბიბლუსი გალერიში" გამართულ პრეზენტაციაზე შესვლის გასაღებს წარმოადგენდა და რომლითაც ფენტეზის ჯადოსნური კარი "პალიტრა L"-ის მკითხველისთვის ოფიციალურად გაიღო.
ბურახით, მაფინებით, საინტერესო წამყვანებითა და სხვადასხვა პრიზით 1-ელ აგვისტოს „ბიბლუსი გალერიში“ ახალი ჯადოსნური სამყარო „პორტალი“ გაიხსნა. „პორტალი“ "პალიტრა L"-ის წიგნების ახალი სერიაა, რომელიც ფენტეზისა და სამეცნიერო ფანტასტიკის ჟანრის საუკეთესო წიგნებს აერთიანებს.