"მეუღლისთვის და შვილისთვის უცემია" - მამამ კახეთში სცემა 27 წლის შვილი, რომელსაც კისრის მალების მოტეხილობები აქვს
ახალგაზრდა ქალი, რომელსაც სავარაუდოდ მამამ სცემა, კატასტროფის ცენტრმა მრავლობითი დაზიანებებით წნორის საავადმყოფოდან თბილისში გადაიყვანა. არსებული ინფორმაციით, ქალს კისრის მალების მოტეხილობები აქვს და ნეიროქირურგიული ჩარევა სჭირდება. კონფლიქტის მიზეზი უცნობია. დაშავებული მშობლების ოჯახში შვილთან ერთად ცხოვრობს. შსს-ს ინფორმაციით, მამაკაცი უკვე დაკავებულია და სიღნაღის წინასწარი დაკავების იზოლატორში იმყოფება.უწყების ცნობით, გამოძიება 126-ე პრიმა მუხლით მიმდინარეობს, რაც ოჯახში ძალადობას გულისხმობს.