"არსებობს პრინციპები, რასაც არ უნდა გადავაბიჯოთ" - კახა კალაძის კომენტარი სასტუმრო "ოტიუმთან" მშენებლობაზე
კუს ტბის გზაზე, რესტორან „ოტიუმის“ მოპირდაპირე მხარეს სასტუმრო არ აშენდება. მსგავს ტერიტორიაზე ნებისმიერი ტიპის მშენებლობა კატეგორიულად მიუღებელია, - ამის შესახებ „ოტიუმთან“ მისულმა დედაქალაქის მერმა, კახა კალაძემ განაცხადა. თბილისის მერის თქმით, შპს „არმლენდერ ასოშიეტსი“-ს მშენებლობის ნებართვა მერიამ რამდენიმე თვის წინ შეუჩერა და კომპანია სამუშაოებს ნებართვის გარეშე აწარმოებდა. კახა კალაძემ მერის მოადგილეებს დაავალა, ტერიტორიის მესაკუთრისთვის ადგილმონაცვლეობის შეთავაზების საკითხზე იმუშაონ.