ექსკლუზიური კადრები ხატია ბუნიათიშვილის რეპეტიციიდან, რომელიც ანშლაგით მიმდინარეობს - პალიტრა ვიდეო

15 სექტემბერს, საერთაშორისო მუსიკალური ფესტივალის, "შემოდგომის თბილისის" ფარგლებში, დიდი ხნის პაუზის შემდეგ სცენაზე ერთმანეთს შეხვდებიან მსოფლიო ვარსკვლავი - პიანისტი ხატია ბუნიათიშვილი და თბილისის სიმფონიური ორკესტრი, ვახტანგ კახიძის დირიჟორობით.

მსოფლიოს მრავალი პრესტიჟული საკონცერტო დარბაზის ხშირი სტუმარი, სახელგანთქმული სიმფონიური ორკესტრებისა და დირიჟორების სასცენო პარტნიორი, SONY-ს ექსკლუზიური არტისტი ხატია ბუნიათიშვილი მსმენელის წინაშე წარდგება სერგეი რახმანინოვის კონცერტით ფორტეპიანოსა და ორკესტრისთვის N2.

ხოლო ვახტანგ კახიძე შეასრულებს მოდესტ მუსორგსის საფორტეპიანო შედევრის - "სურათები გამოფენიდან" საორკესტრო ვარიანტს, გაორკესტრებულს მორის რაველის მიერ.



ავტორი: ნინო წიფურია