X
კადრები პროკურატურიდან, სადაც "ბავშვთა სამყაროში" ხანძრის შედეგად დაზარალებულების აქციაზე, ორი ადამიანი შეუძლოდ გახდა
12:08 / 12-10-2018
მთავარ პროკურატურასთან, სადაც "ბავშვთა სამყაროში" ხანძრის შედეგად დაზარალებულები საპროტესტო აქციას მართავენ, ორი მოვაჭრე შეუძლოდ გახდა. ადგილზე სასწრაფო დახმარების მანქანა გამოიძახეს. ექიმებმა მათ დახმარება ადგილზე აღმოუჩინეს.

ამასთან, ერთ-ერთ მოვაჭრეს სამართალდამცველებმა ბენზინით სავსე ბოთლი ჩამოართვეს. ამ ფაქტს აქციის მონაწილეების მხრიდან შეძახილები და პროტესტი მოჰყვა.

როგორც ადვოკატმა ფრიდონ სიხუაშვილმა ჟურნალისტებს განუცხადა, აქციის მონაწილეები აპირებენ, რომ პროტესტის უკიდურეს ფორმას მიმართონ და ბენზინი გადაისხან, თუმცა, ადვოკატის თქმით, ამის საშუალებას მოვაჭრეებს არ მისცემენ.

დაზარალებული მოვაჭრეები არ გამორიცხავენ, რომ მთავარ პროკურატურასთან კარავიც გაშალონ.

ადგილზე მობილიზებულია პოლიცია.

ამასთან, აქციის მონაწილეები "ბავშვთა სამყაროს" დირექციისგან ხანძრის შედეგად გამოწვეული ზარალის ანაზღაურებას ითხოვენ.


ავტორი: სალომე კვარაცხელია
ბოლო სიახლეები
Autoplay
პოპულარული
რა ქონების მფლობელია არჩეული პრეზიდენტი? - ზურაბიშვილის ბინები თბილისში, პარიზში და საბანკო ანგარიშები...
ლეგენდარული "ჟიგული", რომელიც დიღმის მასივში, მე-4 სართულზე 20 წელზე მეტ ხანს იდგა, ჩამოიყვანეს