ყველაზე დრამატული კადრები რუსთავის ხანძრიდან - რა ხდება "სტამბოლის ბაზრობაზე" - პალიტრა ვიდეო

რუსთავში, ე.წ. სტამბოლის ბაზარში დამწვარია 800-900 კვადრატული მეტრი ფართობი. ამის შესახებ "ინტერპრესნიუსს" საგანგებო სიტუაციების მართვის სააგენტოში განუცხადეს. სააგენტოს ინფორმაციით, ცეცხლი სავაჭრო ობიექტზე არსებულ დახლებს უკიდია. მათივე ცნობით, ადგილზე მუშაობს 12 სახანძრო-სამაშველო ჯგუფი. ხანძრის მასშტაბიდან გამომდინარე, დამატებითი ძალები თბილისიდან მიემართებიან. ამ წუთებში მეხანძრე-მაშველები ხანძრის ლოკალიზებას ცდილობენ. წინასწარი ინფორმაციით, ხანძრის შედეგად დაშავებული არავინ არის.
კადრებს საგანგებო სიტუაციების მართვის სამსახური ავრცელებს.

ასევე იხილეთ: რუსთავში ძლიერი ხანძარია! - იწვის ე.წ. სტამბოლის ბაზრობა