loader

სპეცოპერაცია გორში - დაუზუსტებელი ინფორმაციით, 14 წლის წინ დაკარგული მოზარდის ცხედარს ეძებენ - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

სპეცოპერაცია გორში - დაუზუსტებელი ინფორმაციით, 14 წლის წინ დაკარგული მოზარდის ცხედარს ეძებენ

გორში, კულტურისა და დასვენების პარკის მიმდებარე ტერიტორიაზე ამ წუთებში პოლიციის რამდენიმე ჯგუფი მუშაობს და ოპერატიულ-სამძებრო ღონისძიებები მიმდინარეობს.

აღნიშნულთან დაკავშირებით შსს კომენტარს ჯერჯერობით არ აკეთებს. არაოფიციალური წყაროებით კი ვრცელდება ინფორმაცია, რომ გორში 9 წლის გოგონას მკვლელობის საქმეში ბრალდებულმა იაგო ნებიერიძემ წლების წინ გაუჩინარებული კიდევ ერთი ბავშვის ცხედრის ადგილსამყოფელი აღიარა და სამართალდამცავები სწორედ აღნიშნული ადგილს ეძებენ.

ამ ინფორმაციას შსს არ ადასტურებს.

11 წლის ზაქრო ბერძნიშვილი გორში, 2004 წლის 1-ელ ნოემბერს გაუჩინარდა. ოჯახს უცნობმა პირებმა გამოსასყიდი მოსთხოვეს. გაუჩინარებული ზაქრო ბერძნიშვილის საქმეში ფულის გამოძალვის ბრალდებით იაგო ნებიერიძე იხდიდა სასჯელს, რომელიც მაშინ მხოლოდ 20 წლის იყო და მამასთან ერთად, დაკარგული ბავშვის ოჯახის კუთვნილ ავტოფარეხში მუშაობდა.

პირდაპირ ტრანსლირებას ადგილიდან ტელეკომპანია "დია" ახორციელებს.

ასევე იხილეთ: პირდაპირი ეთერი გორიდან, სადაც 14 წლის წინ დაკარგული მოზარდის ცხედარს ეძებენ