სროლა რესტორან "მეიდანთან", დაჭრილია 2 მამაკაცი - რა მოხდა წუხელ - პალიტრა ვიდეო

თბილისში, რესტორან "მეიდანთან" ცეცხლსასროლი იარაღით ორი მამაკაცი დაჭრეს. შემთხვევა წუხელ მოხდა. დაჭრილები რესპუბლიკურ საავადმყოფოში არიან გადაყვანილები.
როგორც შინაგან საქმეთა სამინისტროში განაცხადეს, გამოძიება სისხლის სამართლის კოდექსის 19-109-ე და 236-ე მუხლებით მიმდინარეობს, რაც განზრახ მკვლელობის მცდელობას დამამძიმებელ გარემოებაში და ცეცხლსასროლი იარაღის უკანონო შეძენა-შენახვა-ტარებას გულისხმობს. უწყებაში დამატებით დეტალებზე არ საუბრობენ.