პრობლემური სესხების გადასამოწმებელი ვებგვერდის, vali.ge-ს ამოქმედების შემდეგ, ინტერნეტში მისი ყალბი ვერსია შეიქმნა. ვებგვერდზე vali.ge-ს მსგავსი შინაარსის ინფორმაციაა დატანილი, თუმცა ვალის გადამოწმების ნაცვლად, ახალი სესხის შემოთავაზებაა.

მნიშვნელოვანია, რომ ყალბი ვებგვერდის მისამართია Wali.ge, ხოლო ოფიციალურის - Vali.ge.

ისევე, როგორც ორიგინალზე, ყალბ ვებგვერდზეც იყო "ქართუ ჯგუფის" ლოგო, რომელიც მოგვიანებით ჩაიხსნა.

ფინანსთა სამინისტრო მსესხებლებს აფრთხილებს, რომ პრობლემური სესხების შესახებ ინფორმაცია ატვირთულია მხოლოდ ვებგვერდ vali.ge-ზე.