დიდთოვლობის გამო ხულოს მაღალმთიანი სოფლების მოსახლეობა ელექტროენერგიის გარეშე დარჩა: თოვლის საფარმა ნახევარ მეტრს მიაღწია - პალიტრა ვიდეო

ხულოს მუნიციპალიტეტის მაღალმთიან სოფლებს - თხილვანას, დიოკნისსა და რიყეთს უხვი ნალექის გამო ელექტროენერგია არ მიეწოდება.

როგორც ხულოს მერიაში აცხადებენ, გვიან ღამით მოსულმა თოვლმა ელექტროსადენების დაზიანება გამოიწვია. ხულოს მერიის ცნობით, ელექტროენერგიის აღდგენითი სამუშაოები უკვე მიმდინარეობს.