X
დააკავეს ადვოკატი, რომელიც ირანის მოქალაქეს 10 000 დოლარის გადახდის სანაცვლოდ საქართველოს მოქალაქეობის მიღებაში დახმარებას დაჰპირდა
11:51 / 15-12-2018
სუს-მა თაღლითობის მცდელობის ფაქტზე ადვოკატი დააკავა. როგორც „ინტეპრესნიუსს“ უწყებიდან აცნობეს, სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა დიდი ოდენობით თაღლითობის მცდელობის ფაქტზე ადვოკატი რამაზ რ. დააკავეს.

გამოძიებამ დაადგინა, რომ რამაზ რ. ირანის ისლამური რესპუბლიკის მოქალაქეს თითქოსდა საქართველოს შინაგან საქმეთა და იუსტიციის სამინისტროების მაღალი თანამდებობის პირების ხელშეწყობით, საქართველოს მოქალაქეობის მიღებაში დახმარებას დაჰპირდა, რის სანაცვლოდაც მოსთხოვა 10 000 აშშ დოლარის გადახდა. სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა რამაზ რ. მოთხოვნილი თანხის გადაცემის დროს ბრალდებულის სახით დააკავეს.

გამოძიება დიდი ოდენობით თაღლითობის მცდელობის ფაქტზე მიმდინარეობს (საქართველოს სსკ-ის 19-180-ე მუხლის მე-3 ნაწილის „ბ“ ქვეპუნქტით, რაც სასჯელის სახით ითვალისწინებს თავისუფლებას აღკვეთას 6-დან 9 წლამდე ვადით). გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
ბოლო სიახლეები
Autoplay
პოპულარული
ირანის ხელისუფლება მალავს რეალურ ინფორმაციას დაავადებულების შესახებ - რას ჰყვება ფერეიდნელი ქართველი ირანში კორონავირუსის გავრცელებაზე
შეცვლიან თუ არა გახარიას რამდენიმე დღეში და ვინ იქნება შემდეგი პრემიერი?
ქართველი "ლუი ანდერსონი", რომელიც 3 წლის წინ, მთელმა საქართველომ შეიყვარა, უმძიმეს მდგომარეობაშია