"იმედი მაქვს, დაპირისპირება კიდევ უფრო არ გაღრმავდება" - მიხეილ გიორგაძე ჯვრის მონასტრის დაკეტვას ეხმაურება
"დიდი იმედი მაქვს, რომ ეს გაუგებრობა მალე გაირკვევა და დაპირისპირება კიდევ უფრო არ გაღრმავდება" - ასე უპასუხა საქართველოს განათლების, მეცნიერების, კულტურისა და სპორტის მინისტრის პირველმა მოადგილემ მიხეილ გიორგაძემ ჟურნალისტების დასმულ შეკითხვას, რომელიც ჯვრის მონასტრის დაკეტვის შესახებ გავრცელებული ინფორმაციას შეეხებოდა დღეს დილიდან მცხეთის ჯვრის მონასტრის კარი დაკეტილია. ტაძარში შესვლა არ შეუძლიათ როგორც მომლოცველებს, ასევე ტურისტებს. ადგილზე მომუშავე გარემოვაჭრეების ინფორმაციით კი, ტაძრის დაკეტვის გადაწყვეტილება ბერებმა მიიღეს, რასაც გარევაჭრობასთან დაკავშირებულ საკითხებს უკავშირებენ და აღნიშნავენ, რომ იმ ტერიტორიაზე, სადაც წლებია ვაჭრობა ხორციელდება, სასულიერო პირებს კელიის დადგმა სურთ.