კალაძე ავტობუსის მძღოლებისთვის სპეციალური ფორმების შეკერვის იდეით გამოდის, თუმცა მათ უნიფორმები უკვე აქვთ
12:30 / 23-01-2019
"ჩემთვის მნიშვნელოვანია, რომ მძღოლებისთვის შევკეროთ სპეციალური ფორმები. ეს შეიძლება იყოს, მაგალითად, პერანგი და ჰალსტუხი, რომ სისუფთავე იყოს და კარგად გამოიყურებოდეს ეს ყველაფერი. ჩემი დავალება იქნება, რომ ამაზე დაიწყოთ მუშაობა", - ამის შესახებ კახა კალაძემ განაცხადა, თუმცა თბილისში ავტობუსის მძღოლებს უნიფორმები უკვე აქვთ. სავარაუდოდ, კალაძის ინიციატივის შემდეგ მძღოლებისთვის ახალი, სპეციალური ფორმები შეიკერება.
