უბედური შემთხვევა შარტავას ქუჩაზე - ლიფტის შახტაში მამაკაცი ჩავარდა და გარდაიცვალა, მას 3 მცირეწლოვანი შვილი დარჩა
შარტავას ქუჩაზე, ერთ-ერთ მშენებლობაზე, ლიფტის შახტაში ჩავარდნის შედეგად შუახნის მამაკაცი გარდაიცვალა. როგორც „პალიტრანიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს. ახლობლების განცხადებით, გარდაცვლილს 3 მცირეწლოვანი შვილი დარჩა. ის მაღალი სართულის სიმაღლიდან ჩავარდა ლიფტის შახტში.