მამუკა ხაზარაძე: "არიან ადამიანები, რომლებიც ებრძვიან პროგრესს"
"არიან ადამიანები, რომლებიც ებრძვიან პროგრესს. ამიტომ მე გარე საფრთხეების კი არ მეშინია, მეშინია შიდა საფრთხეების, როგორც ქართველს" - ამის შესახებ "თი-ბი-სი ბანკის" ერთ-ერთმა დამფუძნებელმა მამუკა ხაზარაძემ განაცხადა. ხაზარაძემ ბანკის გარშემო შექმნილი ვითარება ამჯერად კავკასიის უნივერსიტეტის სტუდენტებთან შეხვედრისას შეაფასა. როგორც მან აღნიშნა, ბევრჯერ ყოფილა შემთხვევა, როცა შიდა ფაქტორის გამო, რომელიც ხშირად იმართება სხვადასხვა ძალით, ქვეყნის უკან დაწევა ხდება. ხაზარაძემ კონკრეტულად ანაკლიის პორტის პროექტზეც ისაუბრა და აღნიშნა, რომ გარკვეული რისკების მიუხედავად, ანაკლიის პორტი შესაძლოა, ძალიან კარგი შანსი აღმოჩნდეს აფხაზ ძმებთან დაახლოებისთვის.