რა ხდება რუსთავში, სადაც ამ წუთებში ციხის მშენებლობის შეჩერების მოთხოვნით საპროტესტო აქცია მიმდინარეობს - პალიტრა ვიდეო

რუსთავში, ჭყონდიდელის დასახლებაში მორიგი საპროტესტო აქცია მიმდინარეობს. აქციის მონაწილეები ყოფილი სამხედრო ნაწილის ტერიტორიაზე სასჯელაღსრულების დაწესებულების მშენებლობას აპროტესტებენ.
ისინი ადგილზე იუსტიციის მინისტრის ჩასვლას, მასთან შეხვედრას და ციხის მშენებლობის დაუყოვნებლივ შეჩერებას მოითხოვენ. აქციის მონაწილეები ციხის მშენებლობის შეჩერების მოთხოვნით ხელმოწერებს აგროვებენ. მშენებლობის შეჩერების მოთხოვნის პეტიციით, მათ უკვე მიმართეს იუსტიციის მინისტრ თეა წულუკიანს და რუსთავის თვითმმართველობას.

ავტორი: მარი ვარდოშვილი

ასევე იხილეთ: გაწევ-გამოწევა აქციის მონაწილეებსა და პოლიციას შორის რუსთავში - მონაწილეებმა გზა გადაკეტეს