X
"მოგი....ნავთ" - კადრები წყალტუბოდან, სადაც "კურიერის" ჟურნალისტს იმ გოგონას ოჯახში სცემეს, რომელიც 7 თვის შვილის მკვლელობის ბრალდებითაა დაკავებული
18:19 / 23-05-2019
წყალტუბოში "რუსთავი2"-ის გადამღებ ჯგუფს ფიზიკურად გაუსწორდნენ. ტელეკომპანია "რუსთავი2"-ის ინფორმაციით, ედიშერ მუშკუდიანს და ბაკურ ჩიხლაძეს თავს 5-ზე მეტი პირი დაესხა. შემთხვევა კი მაშინ მოხდა, როდესაც "კურიერის" ჟურნალისტები პროფესიულ მოვალეობას ასრულებდნენ.

ტელეკომპანიის ინფორმაციით, ფიზიკურ დაპირისპირებამდე გადამღები ჯგუფი წყალტუბოში, იმ არასრულწლოვანი გოგოს ოჯახში იმყოფებოდა, რომელიც 7 თვის ჩვილის მკვლელობის ბრალდებით არის დაკავებული. დაკავებულის ახლობლებმა და მეზობლებმა კომენტარის გაკეთებაზე უარი თქვეს, მას შემდეგ კი როდესაც ედიშერ მუშკუდიანი და ბაკურ ჩიხლაძე ავტომობილში სხდებოდნენ, მათ თავს რამდენიმე ადამიანი დაესხა და ფიზიკურად გაუსწორდა.

ჟურნალისტები ამ დროისთვის ქუთაისის კლინიკაში არიან გადაყვანილი. ედიშერ მუშკუდიანს მრავლობითი მოტეხილობები და თვალის დაჟეჟილობა აღენიშნება. ის ექიმების დაკვირვების ქვეშ იმყოფება.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 126- ე მუხლის პირველი პრიმა, "ბ" ქვეპუნქტი (ძალადობა ჯფუფურად)და 154-ე მუხლის მეორე ნაწილით (ჟურნალისტისთვის პროფესიულ საქმიანობაში უკანონოდ ხელის შეშლა)დაიწყო.

არსებული ინფორმაციით, დადგენილია დანაშაულში მონაწილე ერთი პირი, რომელიც პოლიციაშია გადაყვანილი.
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა