X
21 წლის მამაკაცი, "ფეისბუქზე" ყალბ გვერდებს ქმნიდა და მათ მეგობრებს "კრისტალბეთის" ანგარიშზე ფულს არიცხინებდა
11:25 / 16-06-2019
შინაგან საქმეთა სამინისტროს აჭარის პოლიციის დეპარტამენტის დეტექტივების სამმართველოს თაამშრომლებმა, ჩატარებული ოპერატიულ-საგამოძიებო ღონისძიებების შედეგად, 1998 წელს დაბადებული გ.ი. მოსამართლის განჩინების საფუძველზე, მნიშვნელოვანი ზიანის გამომწვევი თაღლითობის ბრალდებით დააკავეს.

დანაშაული 4-დან 7 წლამდე ვადით თავისუფლების აღკვეთას ითვალისწინებს.

როგორც „ინტერპრესნიუსს“ შსს-დან აცნობეს, გამოძიებით დადგინდა, რომ დაკავებულმა 2018 წლის დეკემბრიდან მიმდინარე წლის მაისის ჩათვლით, 20-მდე მომხმარებლის ყალბი „ფეისბუქ“-გვერდი შექმნა და მათ მეგობრებს, თაღლითური გზით, „კრისტალბეთის“ ანგარიშზე ფული ჩაარიცხინა.

ბრალდებული ჯამში 8 000 ლარის ოდენობის თანხას მართლსაწინააღმდეგოდ დაეუფლა.

სამართალდამცველებმა, დაკავებულის საცხოვრებელი ბინის ჩხრეკისას, მობილური ტელეფონი და პლასტიკური ბარათები ამოიღეს, რომელთა გამოყენებითაც გ.ი.

სოციალურ ქსელში თანხის თაღლითურად მისაკუთრებას და შემდგომ მის განაღდებას ახერხებდა.

გამოძიება მნიშვნელოვანი ზიანის გამომწვევი თაღლითობის ფაქტზე, საქართველოს სსკ-ს 180-ე მუხლის მე-2 ნაწილის „ბ“ ქვეპუნქტით მიმდინარეობს.

ბოლო სიახლეები
Autoplay
პოპულარული
რა ხდება ვალუტის ჯიხურებში მას შემდეგ, რაც ლარი ისტორიულ მინიმუმამდე დაეცა
"კაცს დაგიყენებ, როგორ შიმშილობ, უნდა შეგამოწმოო! - ეს მღვდელია?!.." - უგულავა მამა დავით ისაკაძეზე
რუსი ოლიგარქის აღშფოთებული ქართველი ცოლის ლაივ-ჩართვა "რ2"-ის ოფისთან - "თავს კოშმარულად ვგრძნობ, გეგონება შემაფურთხეს"