სამართალდამცველებს პირი, რომელიც პეკინის ქუჩაზე "აიპლუსის" მაღაზიის გაქურდვას ცდილობდა, საგამოძიებო ორგანოში ამ დრომდე არ გადაუყვანიათ და ჯერ კიდევ შემთხვევის ადგილზე ჰყავთ.

როგორც "აიპლუსის" კომუნიკაციის მენეჯერმა გოგა თირქიამ განაცხადა, მძარცველმა მძევლად აიყვანა "აიპლუსის" ერთ-ერთი თანამშრომელი და თანხას და ტექნიკას ითხოვდა.

მისი თქმით, ამ დროისთვის იკითხება დაკავებული და ყველა ის თანამშრომელი, ვინც ამ ინციდენტს ესწრებოდა.

რაც შეეხება ზარალს, მისი თქმით, დაზიანებულია ტექნიკა: აიპადები, აიფონები და მაკები, თუმცა ზარალის ზუსტი ოდენობა ჯერ ცნობილი არ არის.

მისივე ინფორმაციით, მძევლად აყვანილ გოგონას ფიზიკური დაზიანებები არ აქვს, თუმცა ფსიქოლოგიურ სტრესშია.





ასევე დაგაინტერესებთ: პეკინის ქუჩაზე, "აიპლუსის" მაღაზიის დაყაჩაღების მცდელობისას დაკავებული ახალგაზრდა პოლიციამ გამოიყვანა