20-21 ივნისის საქმეზე დაკავებული 2 პირიდან ერთ-ერთი მალხაზ მაჩალიკაშვილის ძმისშვილია - რას ედავებიან მორის მაჩალიკაშვილს?
შინაგან საქმეთა სამინისტრომ 20-21 ივნისს პარლამენტის წინ განვითარებულ მოვლენებთან დაკავშირებით კიდევ 2 პირი დააკავა. ამის შესახებ შსს-ს განცხადებაშია ნათქვამი. ერთ-ერთი მალხაზ მაჩალიკაშვილის ძმისშვილი მორის მაჩალიკაშვილია. ამის შესახებ მალხაზ მაჩალიკაშვილი სოციალურ ქსელში წერს. შსს-ს ინფორმაციით, აღნიშნული პირები დაკავებულები არიან მოსამართლის განჩინების საფუძველზე, ჯგუფური ძალადობის ორგანიზების, ხელმძღვანელობის და მასში მონაწილეობის ფაქტზე.