X
რა ხდება ამ წუთებში ერგნეთში - კადრები საოკუპაციო ხაზიდან
11:13 / 07-08-2019
ერგნეთში, საოკუპაციო ხაზთან მშვიდობიანი აქცია იმართება. პირდაპირი ეთერის ამ დროისათვის დასრულებულია. უყურებთ პირდაპირი ეთერის ჩანაწერს.

აგვისტოს ომის მე-11 წლისთავთან დაკავშირებით, ერგნეთში საოკუპაციო ხაზთან "ევროპული საქართველოს“ წევრები, სამოქალაქო აქტივისტები და ახალგაზრდები აქციას მართავენ.

აქციის მიზანი რუსული ოკუპაციის გაპროტესტებაა. ამასთან, როგორც აქციის ერთ-ერთმა ორგანიზატორმა შმაგი ჩოხელმა აღნიშნა, ამ აქციით მათ სურთ ხმა მიაწვდინონ ევროკავშირის წევრ ქვეყნებს, რომ უფრო ეფექტური პოლიტიკა გაატარონ რუსული ოკუპაციის წინააღმდეგ.

"პოლიტიკოსები უნდა გამოფხიზლდნენ და უფრო ჩამოყალიბდნენ საკუთარ პოლიტიკაში, რადგან რუსი ოკუპანტია და თუ არ იქნება ერთიანი პოლიტიკა, ოკუპაცია მოვა თბილისამდე",- განაცხადა შმაგი ჩოხელმა.

აქციის კიდევ ერთმა ორგანიზატორმა ლინა დოლიძემ აღნიშნა, რომ აქციის მიზანია ახალგაზრდებს მუდამ ახსოვდეთ ის გმირები, რომლებიც საქართველოს დამოუკიდებლობისთვის იბრძოდნენ.

"7 აგვისტოს დაიწყო სინამდვილეში ომი და არა 8 აგვისტოს, როგორც ამას რუსული პროპაგანდა ამტკიცებს. ჩვენ დღეს ჰიბრიდული ომის პირობებში ვცხოვრობთ. ჩვენ გვინდა ყოველ წელს იმართებოდეს ასეთი აქციები, რათა ახალგაზრდებს, ვისაც რუსული აგრესია საკუთარი თვალით არ უნახავთ, ახსოვდეთ ის გმირები, რომლებიც 2008 წელს დაიღუპნენ", - განაცხადა ლინა დოლიძემ.

აქციის მონაწილეებმა მშვიდობის ნიშნად ფრანები ცხინვალის მიმართულებით გაუშვეს. აქციის ორგანიზატორები მიმართავენ ოს ახალგაზრდებს რომ მათ სურთ მშვიდობიანი თანაცხოვრება ერთიან და დამოუკიდებელ საქართველოში.

შეგახსენებთ, რომ რუსეთ-საქართველოს 2008 წლის აგვისტოს ომიდან 11 წელი გავიდა.



ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ
სროლის ვიდეო, რომელიც შაქრო კალაშოვის დაჭერის საფუძველი გახდა - როგორ ჩაცხრილეს "კანონიერი ქურდის" თანამზრახველები მოსკოვში (+18)