უკრაინაში მეცხრე მოწვევის პარლამენტის პირველი სხდომა გაიმართა. უმაღლესი რადას სპიკერად პრეზიდენტ ზელენსკის პოლიტიკური პარტიის, "ხალხის მსახურის" თავმჯდომარე დიმიტრი რაზუმკოვი აირჩიეს. ცნობილი გახდა, ვინ იქნება ქვეყნის ახალი პრემიერ-მინისტრი. მთავრობის მეთაურის პოსტს 35 წლის ალექსეი გონჩარუკი დაიკავებს, რომელიც ქვეყნის ისტორიაში ყველაზე ახალგაზრდა პრემიერი გახდება. დამტკიცდა მინისტრთა ახალი კაბინეტიც.

"ხალხის მსახურის" საპარლამენტო ფრაქციას წარმოშობით ქართველი დავიდ არახამია უხელმძღვანელებს. სოციალური ქსელის აქტიური მომხმარებლები 40 წლის პოლიტიკოსს დევიდ ბრაუნის სახელით იცნობენ. ის 1979 წლის 23 მაისს სოჭში დაიბადა, გარკვეული პერიოდის განმავლობაში გაგრაში ცხოვრობდა, თუმცა აფხაზეთის ომმა მისი ოჯახიც აიძულა, მშობლიური სახლი მიეტოვებინა. არახამიების ოჯახმა თავი უკრაინას შეაფარა და ნიკოლაევში დასახლდა.




ავტორი: სალომე აბულაშვილი