კადრები თელეთში მომხდარი საშინელი ავარიის ადგილიდან, სადაც 2 ადამიანი გარდაიცვალა, 20-მდე კი დაშავდა - პალიტრა ვიდეო

გარდაბნის მუნიციპალიტეტის სოფელ თელეთთან ავტოსაგზაო შემთხვევას 2 ადამიანი ემსხვერპლა, დაშავებულია 20-მდე ადამიანი. მათ შორის არიან როგორც საქართველოს, ისე სომხეთის და აზერბაიჯანის მოქალაქეები.

შემთხვევა წუხელ გვიან ღამით მოხდა. მიკროავტობუსი, რომელსაც მგზავრები გადაჰყავდა ავარიაში მოყვა და შემთხვევის შედეგად დაშავებულები სხვადასხვა კლინიკებში გადაიყვანეს.

როგორც შსს-ში განაცხადეს, გამოძიება სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.

ავტორი: მარიკა ვარდოშვილი