მძიმე კადრები ფოთიდან - დიდი სისწრაფით მიმავალმა მანქანამ გადასასვლელზე ქალი გაიტანა და სხვა ავტომობილს შეასკდა - პალიტრა ვიდეო

ფოთში, აღმაშენებლის ქუჩაზე მომხდარი ავტოსაგზაო შემთხვევის შედეგად ორი პირი დაშავდა. ერთმანეთს ,,მერსედესისა“ და ,,ჰონდას“ მარკის მანქანები შეეჯახა.

თვითმხილველთა ინფორმაციით, შეჯახების შედეგად დაშავდა ქვეითად მოსიარულე ქალი და ერთ-ერთი ავტომანქანის მგზავრი. დაშავებულები სასწრაფო სამედიცინო დახმარების ჯგუფმა ქალაქის ჰოსპიტალში გადაიყვანა.

ექიმების ინფორმაციით, მათი მდგომარეობა სტაბილურია. ადგილზე მობილიზებულია საპატრულო პოლიცია.

შსს-მ გამოძიება სსკ-ის 276-მუხლის მე-2 ნაწილით დაიწყო.

ავტორი: მაია ძაგანია