"მე გამკეთებელი ვარ და არაფრის თავი რომ არ გაქვს, ნუ იჯგიმები" - ეკა ბესელია ანრი ოხანაშვილს
იურიდიული კომიტეტის სხდომის განახლების შემდეგ დამოუკიდებელი დეპუტატი ეკა ბესელია და კომიტეტის თავმჯდომარე ანრი ოხანაშვილი ერთმანეთს სიტყვიერად დაუპირისპირდნენ. დაპირისპირება კომიტეტის სხდომის განახლების შემდეგ მოხდა, რომელიც ბესელია-ზარდიაშვილის ინციდენტის გამო იყო შეწყვეტილი. დარბაზში დაბრუნებულ ბესელიას, რომელიც განცხადების გაკეთებას მოითხოვდა, ოხანაშვილმა წესრიგის დაცვისკენ მოუწოდა. თავმჯდომარის თქმითვე, იმ შემთხვევაში, თუკი ბესელიას მხრიდან კვლავ ექნებოდა სხდომის ჩაშლას ადგილი, დარბაზს დაატოვებინებდა.