რუსთავში მომხდარი მკვლელობის ახალი დეტალები. "კურიერმა" 35 წლის მამაკაცის მკვლელობის საქმეზე დაკავებული პოლიციელების ჩვენებები მოიპოვა. პირს, ზურაბ ჯღარკავას, რომელსაც მოკლულთან წარსულში კონფლიქტი ჰქონდა და სავარაუდო დამკვეთია, გამოძიება ამ დრომდე ეძებს.

დავით მუმლაძის კვალი 1 ოქტომბერს დაიკარგა, 4-დღიანი ძებნის შემდეგ კი მისი ცხედარი, რომელსაც ცივი იარაღით მიყენებული 30-მდე ჭრილობა აღენიშნებოდა, მდინარე მტკვარმა რუსთავში გამორიყა.

საქმეზე ამ დროისთვის 5 პირია დაკავებული, მათგან 3 შსს-ს თანამშრომელია, მათ შორის 2 მოქმედი. ასევე დაკავებულები არიან მისი მეგობრები და 1 პირი ზურაბ ჯღარკავა ამ დრომდე ძებნაში იმყოფება.