"საოკუპაციო ზოლი გადმოწეული არ არის" - დაპირისპირება მოძრაობა "შეცვალეს" წევრებსა და პოლიციას შორის ატოცში
მოძრაობა "შეცვალეს" წევრებმა საოკუპაციო ძალების მიერ განხორციელებულ ქმედებები გააპროტესტეს. მათ ატოცის ტერიტორიაზე შესვლაც სცადეს, თუმცა, ამის საშუალება პოლიციამ არ მისცა. როგორც სამართალდამცველებმა მოძრაობის წევრებს განუმარტეს, გადაადგილების შეზღუდვა ატოცში უსაფრთხოებიდან გამომდინარე ხდება. მათივე თქმით, საოკუპაციო ხაზი არ გადმოწეულა, თუმცა, უკანონო ბორდერიზაცია განხორციელდა. აქციის მონაწილეები გადაადგილების შეზღუდვას ანტიკონსტიტუციურად აფასებენ და სამართალდამცველებს კანონის დაცვისკენ მოუწოდებენ.