X
"ბატონო ბიძინა, არ გაბედოთ ამ იდეის ჩაგდება, თორემ იმაზე მტკივნეულად მოგიწევთ ხელისუფლების დატოვება, ვიდრე გეგონათ" - საპროტესტო აქცია "ქართული ოცნების" ოფისთან
11:10 / 14-11-2019
“ქართული ოცნების” ოფისთან, სადაც უმრავლესობის სხდომა მიმდინარეობს, მოძრაობა “შეცვალეს” და "სირცხვილიას" წარმომადგენლები არიან შეკრებილები. ისინი საყვირებით აპროტესტებენ და ითხოვენ უმრავლესობისგან, რომ დაპირება შეასრულოს და ქვეყანა მაჟორიტარულიდან პროპორციულ სისტემაზე გადავიდეს.

აქციის მონაწილეებს თან აქვთ პლაკატები წარწერით: “პროპორციული საარჩევნო სისტემა”.

“თქვენ ხართ ნაყიდი, ნაყიდი გაქვთ მანდატები და ფულით ხართ შესულები პარლამენტში. ხელი არ შეუშალოთ ისტორიულ გადაწყვეტილებას“,- სკანდირებენ აქციის მონაწილეები.

„სირცხვილიას“ წევრები არჩევნების პროპორციული წესით ჩატარების თაობაზე კანონპროექტის მიღებას მოითხოვენ. აქციის ერთ-ერთი ორგანიზატორის, გიგა მაქარაშვილის განცხადებით, იმ შემთხვევაში, თუ აღნიშნულ პროექტს ჩააგდებენ, „ქართულ ოცნებას“ ხელისუფლების დატოვება ბევრად ადრე და მტკივნეულად მოუწევს.

„დიდი სირცხვილია, რომ ამ შენობაში წყდება სრულიად გაუგებარი ადამიანების მიერ, საქართველო ევროპისკენ წავა თუ რუსეთისკენ. ბიძინა ივანიშვილმა მორიგი პერფორმანსი დადგა და მაჟორიტარების საშუალებით ცდილობს, რომ პროპორციული არჩევნების იდეა ჩააგდოს. ჩვენი ქვეყანა და ბევრი თაობა ცდილობდა იმას, რომ მივსულიყავით პროპორციულ არჩევნებამდე. ბატონო ბიძინა, არ გაბედოთ ამ იდეის ჩაგდება, თორემ იმაზე ბევრად ადრე და მტკივნეულად მოგიწევთ ხელისუფლების დატოვება, ვიდრე გეგონათ“, - განაცხადა მაქარაშვილმა.

პარტიის ოფისის შესასვლელთან სამართალდამცველებიც არიან მობილიზებულნი.
ბოლო სიახლეები
Autoplay
პოპულარული
“ამას ნაღდად არ ველოდი! იმათმა კარგად გადააკოპირეს და ორიგინალი ჩვენია“ - ვიდეო, რომელიც ინტერნეტში ნახვების რეკორდს ხსნის
“სასწრაფოდ მოსაგვარებელია! ძალიან ბევრ პაციენტს დანიშნული აქვს ერთი და იგივე“ - წამლები, რომლებიც შეიძლება არ გვჭირდებოდეს და მაინც ფულს ვხარჯავთ
"ძველი საყვარლებივით გავიპარეთ... რომ დავთვერით თითქმის უგონოდ, პირველად მითხრა" - როგორ ულოცავს ნათია ფანჯიკიძე მეუღლეს დაბადების დღეს
“თანხა იყო ძალიან შთამბეჭდავი, მაგრამ უარი ვთქვი“ - რა შემთხვევა გაიხსენა გიორგი უშიკიშვილმა პირველად ეთერში?
უნიკალური შემთხვევა სამშობიაროში - “პატარამ ძალიან იჩქარა და ქვეყნად ყველაზე დიდი სასწაულის მომსწრე გაგვხადა“
სოფო ნიჟარაძე ელის-მარიას ახალ ვიდეოს აქვეყნებს - კადრები ვარსკვლავური დედა-შვილის ბინიდან
მამა ნიკოლოზმა მრევლს 100-100 ლარი დაურიგა - რა კადრები ვრცელდება ინტერნეტში?
“სამ დღეში მინუს 2 კილო“ - თათია სულუაშვილი კვების საგანგებო რეჟიმს გვიზიარებს